Digital Iskoole: Basics of Graphic Design

මොකද්ද මේ Resolution එක කියන්නේ

සාමාන්‍යයෙන් Photo එකක හෝ Image එකක Quality එක අපි මනින්නේ Resolution එකෙන්. Photo එකක හෝ Image එකක තියන Resolution ප්‍රමාණය වැඩියි නම් ඒ කියන්නේ ඒකේ Quality එක වැඩියි කියන එක. සාමාන්‍යයෙන් Image එකක හෝ Photo එකකQuality එක වැඩි වෙනවා කියන්නේ ඒ Image එක හෝ Photo එක බරිනුත් වැඩි වෙනවා කියන එක. ඒ කියන්නේ File Size එක වැඩි වෙනවා.

අපි සාමාන්‍ය Resolution එකක් යටතේ Image එකක්ක Save කරනකොට අවශ්‍යවෙන ඉඩ ප්‍රමාණයට වඩා වැඩි ඉඩ ප්‍රමාණයක්, අපි වැඩි Resolution එකක් තියන Image එකක් Save කරද්දි ඕන වෙනවා. ඒ අනුව අපිට තේරුම් ගන්න පුළුවන් Image එකක Quality එක මනින එක ප්‍රධාන සාධකයක් තමයි Resolution එක කියලා.

අපි Resolution එක මනින ප්‍රධාන මිනුම් කිහිපයක් තියනවා

ppi - Pixel per inch
lpi - Lines per inch
dpi - Dots per inch
spi - Samples per inch

මේ අතරින් අපි ප්‍රධාන වශයෙන්ම පාවිච්චි කරන එකක් තමා ppi කියන්නේ. ඒ කියන්නේ pixel per inch කියන එක (1’x1’ කොටුවක් ඇතුලේ තියන Pixel ප්‍රමාණය.) එතකොට මොකද්ද Pixel එකක් කියන්නේ...?

හරි අපි ඒ ගැන දැනගෙන ඉමු.

Pixel එකක් කියන්නේ මොකද්ද කියන එක මම ගොඩාක් ගැඹුරින් නැතිව සරළව පැහැදිලි කරන්නම්. අපි භාවිතා කරන Image එකක් හෝ Photo එකක් හැදිලා තියෙන්නේ කුඩා කුඩා වර්ණ කොටස් විශාල ප්‍රමාණයක් එකතු වෙලා. අපි Image එකක් හරි Photo එකක් හරි Zoom කරල බැලුවොත් අපිට මේක දැක ගන්න පුළුවන්.

මේ Photo එක බැලුවාම ඒ ගැන පැහැදිලි වෙන්න ඇති. මේ වගේ තියෙන එක වර්ණ කොටුවකට තමා අපි Pixel එකක් කියලා කියන්නේ. එතකොට pixel per inch කියන එක ගැන දල අදහසක් ඔයාලගෙ ඔළුවට එන්න ඇති නේද. අඟල් 1x1 කොටුවක් ඇතුලේ මේ වගේ පුංචි වර්ණ කොටු කීයක් අන්තර්ගත වෙනවාද කියන එක තමා මෙතනදි සැලකිල්ලට ගන්නේ.

අපි පොඩි උදාහරණයක් බලමු. මම දැන් අගල් 1”x1” පොඩි කොටුවක් ඇතුලේ Image එකක් Open කරගත්තා. මෙතනදි එක Image එකක Resolution එක 72ක් දීලා අනිත් Image එකේ Resolution එක 300ක් දීලා තියෙනවා. අපි බලමු මේ Image දෙකේ වෙනස.

මේ තියන Image දෙකේ පළවෙනි Image එක Resolution 72ක් දීලා තියෙන Image එකක්. අනිත් Image එක Resolution 300ක් තියන Image එකක්. මේ Image දෙකේ වෙනස හොදින් බලන්න.

මේ පහලින් තියෙන්නෙ Resolution 72ක් දාපු Image එකේ විශාලනය (Zoom) කරපු Image එකක්. මෙතනදි හොදින් බලන්න මේ Image එකේ Pixels හොදින් පැහැදිලිව පේන්න තියනවා.

හොදයි ඊළගට අපි බලමු Resolution 300ක් දාපු Image එකේ විශාලනය (Zoom) කරපු Image එක. මේ පහලින් තියෙන්නේ මම Resolution එක 300ක් දාපු Image එක බලන්න ඒ Image එකේ Pixels අර තරම් පැහැදිලිව පේන්නේ නෑ නේද...?

ඔයාලට දැන් පැහැදිලි ඇති නේද Image එකක Resolution එක අඩු වෙනකොටයි වැඩි වෙනකොටයි තියන වෙනස. Image එකක Resolution එක වැඩි වෙන්න වැඩි වෙන්න ඒ image එකේ Quality එක වැඩි වෙනවා හැබැයි Image එකේ File Size එකත් ඒ හා සමානව වැඩි වෙනවා.

මෙතනදි මම කලේ Resolution එක පිළිබදව සරල පැහැදිලි කිරීමක් විතරයි. Pixel ඒ වගේම Resolution එක ගැන මීට වඩා ගැඹුරින් කතා කරනවා Image Processing වගේ Subject වලදී.

මේ වගේ තවත් වැදගත් ගොඩක් දේවල් ගැන දැන ගන්න Digital Iskoole එක්ක දිගටම එකතු වෙලා ඉන්න.